దేవతల నరసింహ స్తుతి - దానవుని

7-317-వ.

విద్యాధరు లిట్లనిరి.

7-318-క.

దానవునిఁ జంపి యంత

ర్ధానాదికవిద్య లెల్ల దయతో మరలం

గా నిచ్చితివి విచిత్రము

నీ నిరుపమ వైభవంబు నిజము నృసింహా!

టీకా:

          విద్యాధరులు = విద్యాధరులు; ఇట్లు = ఈ విధముగ; అనిరి = పలికిరి.

          దానవునిన్ = రాక్షసుని; చంపి = సంహరించి; అంతర్థాన = మాయమగుట; ఆది = మొదలగు; విద్యలు = విద్యలు; ఎల్లన్ = అన్నిటిని; దయ = కరుణ; తోన్ = తోటి; మరలంగన్ = మళ్ళీ; ఇచ్చితివి = ఇచ్చతివి; విచిత్రము = అద్భుతము; నీ = నీ యొక్క; నిరుపమ = సాటిలేని; వైభవంబు = ప్రభావము; నిజము = సత్యము; నృసింహా = నరసింహుడా.

భావము:

            విద్యాధరులు ఇలా వినుతులు పలికారు.

             “ఓ నరకేసరీ! నీ వైభవం అతులితమూ, అసాధారణమూ. నీ చారిత్రము బహు విచిత్రము. హిరణ్యకశిప రాక్షసుడిని చంపి, అంతర్ధానం మున్నగు మా శక్తులు అన్నీ దయతో మాకు వెనక్కు ఇచ్చావు.”

७-३१७-व.

विद्याधरु लिट्लनिरि.

७-३१८-क.

दानवुनिँ जंपि यंत

र्धानादिकविद्य लेल्ल दयतो मरलं

गा निच्चितिवि विचित्रमु

नी निरुपम वैभवंबु निजमु नृसिंहा!

http://telugubhagavatam.org/?tebha&Skanda=7&Ghatta=10&Padyam=318.0

: :చదువుకుందాం భాగవతం; బాగుపడదాం మనం అందరం: :