నృసింహరూపావిర్భావము – తర్షంబుల

7-302-క.

తర్షంబుల నరసింహుని

హర్షంబులఁ జూచి నిర్జరాంగనలు మహో

త్కర్షంబులఁ గుసుమంబుల

వర్షంబులు గురిసి రుత్సవంబుల నధిపా!

టీకా:

తర్షంబులన్ = ఆదరముతో; నరసింహుని = నరసింహుని; హర్షంబులన్ = ఆనందములతో; చూచి = చూసి; నిర్జర = దేవ {నిర్జరులు - జర (ముదిమి)లేనివారు, దేవతలు}; అంగనలు = స్త్రీలు; మహా = గొప్పగా; ఉత్కర్షంబులన్ = అతిశయములతో; కుసుమంబుల = పూల; వర్షంబులు = వానలను; కురిసిరి = కురిపించిరి; ఉత్సవంబులన్ = పండుగలుచేయుచు; అధిపా = రాజా.

భావము:

ఓ మహారాజా! నరసింహరూపుడి విజయోత్కర్షం చూసిన దేవకాంతలు ఆదర ఆనందాతిరేకాలతో పూలవానలు కురిపించారు. ఆనందంతో ఉత్సవాలు చేసుకున్నారు.

७-३०२-क.

तर्षंबुल नरसिंहुनि

हर्षंबुलँ जूचि निर्जरांगनलु महो

त्कर्षंबुलँ गुसुमंबुल

वर्षंबुलु गुरिसि रुत्सवंबुल नधिपा!

http://telugubhagavatam.org/?tebha&Skanda=7&Ghatta=9&Padyam=302.0

: :చదువుకుందాం భాగవతం; బాగుపడదాం మనం అందరం: :