దేవతల నరసింహ స్తుతి - భవదీయాదరలీల

7-311-వ.

ఋషు లిట్లనిరి.

7-312-మ.

భవదీయాదరలీల లోకముల నుత్పాదించి రక్షింప నేఁ

డవి దైత్యేశునిచేత భేదితములై హ్రస్వంబులై యుండ నీ

యవినీతున్ నరసింహరూపమున సంహారంబు నొందించి వే

దవిధిం గ్రమ్మఱ నుద్ధరించితి గదా ధర్మానుసంధాయివై.

టీకా:

          ఋషులు = ఋషులు; ఇట్లు = ఈ విధముగ; అనిరి = అనిరి.

          భవదీయ = నీ యొక్క; ఆదర = ఆదరము యనెడి; లీలన్ = విలాసముచేత; లోకములన్ = లోకములను; ఉత్పాదించి = సృష్టించి; రక్షింపన్ = కాపాడగా; నేడు = ఇప్పుడు; అవి = అవి; దైత్య = రాక్షస; ఈశుని = రాజు; చేత = చేత; భేదితములు = చెరుపబడినవి; ఐ = అయ్యి; హ్రస్వంబులు = క్షీణించినవి, చిక్కిపోయినవి; ఐ = అయ్యి; ఉండన్ = ఉండగా; ఈ = ఈ; అవినీతున్ = నీతిమాలినవాని; నరసింహ = నరసింహుని; రూపమునన్ = స్వరూపముతో; సంహారంబునొందించి = చంపి; వేద = వేదానుసార; విధిన్ = ధర్మమును; క్రమ్మఱన్ = మరల; ఉద్ధరించితి = నిలబెట్టితివి; కదా = కదా; ధర్మ = ధర్మమార్గమును; అనుసంధాయివి = కూర్చెడివాడవు; ఐ = అయ్యి.

భావము:

            మునీశ్వరులు ఇలా స్తోత్రాలు చేశారు.

            “ఓ ధర్మసంస్థాపకా! ధర్మమూర్తీ! నీవు ఎంతో ఆదరంతో లోకాలను సృష్టించి, రక్షిస్తున్నావు. కానీ ఇవాళ రాక్షసుడు హిరణ్యకశిపుడు లోకలను ఛిన్నా భిన్నం చేశాడు. ఈ దురహంకారిని నరకేసరిగా అవతరించి, సంహరించావు. వేద ధర్మాన్ని మరల ఉద్ధరించావు.”

७-३११-व.

ऋषु लिट्लनिरि.

७-३१२-म.

भवदीयादरलील लोकमुल नुत्पादिंचि रक्षिंप नेँ

डवि दैत्येशुनिचेत भेदितमुलै ह्रस्वंबुलै युंड नी

यविनीतुन् नरसिंहरूपमुन संहारंबु नोंदिंचि वे

दविधिं ग्रम्मर्र नुद्धरिंचिति गदा धर्मानुसंधायिवै.

http://telugubhagavatam.org/?tebha&Skanda=7&Ghatta=10&Padyam=312.0

: :చదువుకుందాం భాగవతం; బాగుపడదాం మనం అందరం: :