కాళియ మర్దన

10.1-651-క.

వారిబ్భంగి నెఱుంగని

వారై హరిఁ జూడఁబోవ వడిగొని నగుచున్

వారింపఁ డయ్యె రాముఁడు

వారిని హరి లా వెఱుంగువాఁ డయ్యు నృపా!

          వారు = ఆ గోపకులు; ఈ = ఈ; భంగిన్ = ప్రకారముగా; ఎఱుంగని = తెలియని; వారు = వారు; ఐ = అయ్యి; హరిన్ = కృష్ణుని; చూడబోవన్ = వెతకుటకుపోవుచుండగ; వడిగొని = మిక్కిలిగా; నగుచున్ = నవ్వుతు; వారింపడు = అడ్డగింపనివాడు; అయ్యెన్ = అయ్యెను; రాముడు = బలరాముడు; వారిని = వారిని; హరి = కృష్ణుని; లావు = శక్తి; ఎఱుంగువాడు = తెలిసినవాడు; అయ్యున్ = అయినప్పటికి; నృపా = రాజా.

10.1-651-ka.

vaaribbhaMgi neRruMgani

vaarai hariM~ jooDaM~bova vaDigoni naguchun

vaariMpaM~ Dayye raamuM~Du

vaarini hari laa veRruMguvaaM~ Dayyu nRipaa!

            బలరాముడు కృష్ణుడి శక్తి తెలిసిన వాడు అయినప్పటికి, గోకులంలోని వారందరు అజ్ఞానంతో కృష్ణుడి జాడ కోసం అలా వేగంగా పోతుంటే చూసి కూడా వారిని ఆపలేదు.

http://telugubhagavatam.org/?tebha&Skanda=10.1&Ghatta=81&Padyam=651.0

: :చదువుకుందాం భాగవతం; బాగుపడదాం మనం అందరం: :