కృష్ణలీలలు

10.1-293-కంద పద్యము

నగవు లనవిద్య పోఁడిమి

నగుబాటుగఁ జేయనేర్చు నగవరి యంతన్

నగుమొగముతోడ మెల్లన

నగుమొగముల సతులఁ జూచి నగ నేర్చె నృపా!

          ఓ పరీక్షిన్మహారాజా! మహావిష్ణువు చిరునవ్వు నవ్వితే ఆత్మజ్ఞానము కాని లౌకిక విద్యలను దట్టమైన అజ్ఞానం నవ్వులపాలై, జ్ఞానం పుట్టుకొస్తుంది. అంతటి పరదైవము మానవ బాలకృష్ణునిగా తనను చూసి నవ్వుతున్న గోపకాంతలను చూసి నవ్వటం నేర్చాడు.

10.1-293-kaMda padyamu

nagavu lanavidya pOM~Dimi

nagubaaTugaM~ jEyanErchu nagavari yaMtan

nagumogamutODa mellana

nagumogamula satulaM~ joochi naga nErche nRipaa!

          నగవులన్ = నవ్వులతో; అవిద్య = మాయలయొక్క; పోడిమి = సమర్థత; నగుబాటుగ = పరిహాసముగ; చేయన్ = చేయగలుగుట; నేర్చు = తెలిసిన; నగవరి = చిరునవ్వులుగలవాడు; అంతన్ = అప్పుడు; నగు = నవ్వు; మొగము = మోము; తోడన్ = తోటి; మెల్లనన్ = మృదువుగ; నగుమొగముల = చిరునవ్వులుగల; సతులన్ = ఇంతులను; చూచి = కనుగొని; నగన్ = నవ్వుట; నేర్చెన్ = నేర్చుకొనెను; నృపా = రాజా.

http://telugubhagavatam.org/?tebha&Skanda=10.1&Ghatta=39&Padyam=293.0

: : చదువుకుందాం భాగవతం; బాగుపడదాం; మనం అందరం : :