8-270-క.
పండిత సూక్తుల తోడుతఁ
దుండంబులు చాఁచి తీర్థ తోయములెల్లం
దుండముల ముంచి దిగ్వే
దండంబులు జలక మార్చెఁ దరుణీ మణికిన్.
టీకా:
పండితుల =
పండితులయొక్క;
సూక్తుల = మంగళాసీస్సుల;
తోడుతన్ = తోటి;
తుండంబులున్ =
తొండములను; చూచి = చాచి;
తీర్థ = పుణ్యతీర్థముల;
తోయముల్ = నీళ్ళు;
ఎల్లన్ =
అన్నిటియందు;
తుండములన్ = తొండములను;
ముంచి = ముంచి;
దిగ్వేదండంబులు =
దిగ్గజములు;
జలకము = స్నానము;
ఆర్చెన్ = చేయించెను;
తరుణీ = స్త్రీలలో;
మణి =
రత్నమువంటియామె;
కిన్ = కి.
భావము:
మహా పండితులు మంగళాశీస్సులు పలుకసాగారు. దిగ్గజాలు తొండాలు చాచి
పుణ్యతీర్థాల లోని జలాలు తెచ్చి, అన్నులమిన్న అయిన లక్ష్మీదేవికి స్నానం
చేయించాయి.
: :చదువుకుందాం భాగవతం; బాగుపడదాం మనం అందరం: :
No comments:
Post a Comment