అష్టమ
స్కంధము : వారుణి ఆవిర్భావము
8-291-క.
వారిధిఁ దరువఁగ నంతట
వారుణి యన నొక్క కన్య వచ్చిన నసురుల్
వారిజలోచను సమ్మతి
వారై కైకొనిరి దాని వారిజనేత్రన్.
టీకా:
వారిధిన్ =
సముద్రమును;
తరువగన్ = చిలుకగా;
అంతటన్ = ఆ తరువాత;
వారుణి = వారుణి;
అనన్ =
అనెడి పేరుగల;
ఒక్క = ఒక; కన్య = అందగత్తె;
వచ్చినన్ = పుట్టగా;
అసురుల్ =
రాక్షసులు; వారిజలోచను = విష్ణుని;
సమ్మతిన్ = అంగీకారముతో;
వారై = వారంతవారే;
కైకొనిరి = చేపట్టరి;
దానిన్ = ఆమెను;
వారిజనేత్రన్ = అందగత్తెను.
భావము:
పిమ్మట, దేవతలూ రాక్షసులూ పాలసముద్రాన్ని చిలికేటప్పుడు, వారుణి అనే కన్యక
పుట్టింది. కలువ కన్నుల విష్ణుమూర్తి అనుమతితో, ఆ కన్యను రాక్షసులు
తీసుకున్నారు.
: :చదువుకుందాం భాగవతం; బాగుపడదాం మనం అందరం: :
No comments:
Post a Comment