కాలకూటవిషము పుట్టుట
8-215-క.
ఆలోల జలధి లోపల
నాలో నహి విడిచి సురలు నసురులుఁ బఱవం
గీలా కోలాహలమై
హాలాహల విషము పుట్టె నవనీనాథా!
టీకా:
ఆలోల = కల్లోలమైన;
జలధి = సముద్రము {జలధి - జలమునకు నిధి,
సముద్రము}; లోపలన్ = లోపలనుండి;
ఆలోన్ =
ఆ సమయునందు;
అహిన్ = పామును;
విడిచి = విడిచిపెట్టి;
సురలున్ = దేవతలు;
అసురులున్ = రాక్షసులు;
పఱవన్ = పరుగెత్తుచుండగా;
కీలా = మంటలతో;
కోలాహలము =
కోలాహలముతో కూడినది;
ఐ = అయ్యి; హాలాహలము = హాలాహలము అనెడి;
విషము = విషము;
పుట్టెన్ = పుట్టినది;
అవనీనాథ = రాజా.
భావము:
పరీక్షిన్మహారాజా! అల్లకల్లోలమైన ఆ పాలకడలిలో నుండి అగ్నిజ్వాలల
కోలాహలంతో కూడిన “హాలాహలము” అనే మహావిషము పుట్టింది. అది
చూసి భయంతో దేవతలూ, రాక్షసులూ పట్టుకున్న నాగరాజు వాసుకిని వదలిపెట్టి పారిపోసాగారు.
లకార ప్రాసతో హాలాహల, కోలహలాలకు జత కట్టించిన బమ్మెరవారి పద్యం మధురాతి
మధురం
: :చదువుకుందాం భాగవతం; బాగుపడదాం మనం అందరం: :
No comments:
Post a Comment