8-204-వ.
ఇవ్విధంబున.
8-205-క.
తరిగాండ్రలోన నొకఁడట
తరి గడవకుఁ గుదురు నాఁక త్రాడఁట చేరుల్;
దరి గవ్వంబును దా నఁట
హరిహరి! హరిచిత్రలీల హరియే యెఱుఁగున్.
టీకా:
ఈ = ఈ; విధంబునన్ =
విధముగా.
తరిగాండ్ర =
చిలికెడివారి;
లోనన్ = లోపల;
ఒకడు = ఒకడు;
అటన్ = అక్కడ;
తరిగడవ =
మజ్జిగకుండైనసముద్రము;
కున్ = అందలి;
కుదురున్ = కుదురు;
నాక = సర్పపు;
త్రాడు =
తాడు; అటన్ = అక్కడ;
చేరుల్ = చేరినవారు;
తరి = చిలికెడి;
కవ్వంబున్ = కవ్వము;
తాన్ = తనే;
అటన్ = అట; హరిహరి = ఆహా;
హరి = విష్ణుని;
చిత్ర = విచిత్రమైన;
లీలన్ = లీలలను;
హరియే = విష్ణువునకే;
యెఱుగున్ = తెలియును.
భావము:
ఇలా మందర పర్వతాన్ని ఎత్తి. . .
ఆహా! ఎంతటి విచిత్రమైన విష్ణులీలలు? సముద్రాన్ని చిలికేవారిలో ఒకడిగా ఉన్నాడట, పాల సముద్రం అనే పెరుగుకుండకు కుదురు తానేనట, చిలికే కవ్వంగా ఉన్న మందరపర్వంతం, కవ్వానికి కట్టిన చిలుకుతాడుగా ఉన్న మహానాగుడు వాసుకి తానేనట. ఆహా! విష్ణువు లీలలు విష్ణువుకే తెలుసు.
: :చదువుకుందాం భాగవతం; బాగుపడదాం మనం అందరం: :
No comments:
Post a Comment