8-572 goDugO

8-572-మ.

గొడుగో, జన్నిదమో, కమండలువొ, నాకున్ ముంజియో, దండమో,

వడుఁ గే నెక్కడ? భూము లెక్కడ? కరుల్, వామాక్షు, లశ్వంబు లె

క్కడ? నిత్యోచిత కర్మ మెక్కడ? మ దాకాంక్షామితం బైన మూఁ

డడుగుల్ మేరయ త్రోవ కిచ్చు టది బ్రహ్మాండంబు నా పాలికిన్.

వామనుడు బలి చక్రవర్తిని 3 అడుగుల మేర స్థలం దానం అడుగుతున్నాడు – అయ్యా! నేను బ్రహ్మచారిని. నాకు గొడుగు కాని, యజ్ఞోపవీతం కాని, కమండలం కాని, మొలతాడు కాని ఉపయోగిస్తాయి. అంతేకాని బ్రహ్మచారి నైన నా కెందుకు భూములు, ఏనుగులు, గుర్రాలు, స్త్రీలు. నా నిత్యకృత్యాలకి వాటితో పనిలేదు కదా. కాదని తోసేయకుండ నే కోరిన ఆ మూడు అడగుల చోటిస్తే అదే నాకు బ్రహ్మాండం.

8-572-ma.

goDugO jannidamO kamaMDaluvo naakun muMjiyO daMDamO,

vaDu@M gae nekkaDa bhoomu lekkaDa? karul, vaamaakshu, laSvaMbu le

kkaDa? nityOchita karma mekkaDa? Ma daakaaMkshaamitaM baina moo@M

DaDugul maeraya trOva kichchu Tadi brahmaaMDaMbu naa paalikin.

గొడుగొ = గొడుగు కాని ; జన్నిదమో = జంధ్యము కాని ; కమండులువో = కమండలము కాని ; నా = నా ; కున్ = కు ; ముంజియో = మొలత్రాడు కాని ; దండమో = యోగ దండము కాని ; వడుగున్ = బ్రహ్మచారిని ; ఏన్ = నేను ; ఎక్కడ = ఎక్కడ ; భూములు = భూభాగములు ; ఎక్కడ = ఎక్కడ ; కరుల్ = ఏనుగులు ; వామాక్షులు = జవరాండ్రు ; అశ్వంబులున్ = గుర్రములు ; ఎక్కడ = ఎక్కడ ; నిత్యోచితకర్మము = నిత్యకృత్యములు ; ఎక్కడ = ఎక్కడ ; మత్ = నా చేత ; కాంక్షితంబు = కోరబడినది ; ఐన = అయిన ; మూడు = మూడు (3) ; అడుగుల్ = అడుగుల ; మేరయ = పాటిది ; త్రోవకన్ = కాదనక ; ఇచ్చుట = దానము చేయుట ; అది = అదే ; బ్రహ్మాండంబు = బ్రహ్మాండము ; నా = నా ; పాలికిన్ = పాలిటికి, మట్టుకు.

http://telugubhagavatam.org/

~~~|సర్వేజనాః సుఖినోభవంతు|~~~