బ్రహ్మవరములిచ్చుట - ఓ సురారికులేంద్ర

7-81-మత్తకోకిలము

“ఓ! సురారికులేంద్ర! నీ క్రియ నుగ్రమైన తపంబు మున్

చేసి చూపినవారు లే; రిఁకఁ జేయువారును లేరు; నే

నీ సమాధికి మెచ్చితిన్ విను నీ యభీష్టము లిత్తు నా

యాస మేటికి లెమ్ము లెమ్ము మహాత్మ! కోరుము కోరికల్

          “ఓ రాక్షసకులోత్తముడవైన హిరణ్యకశిప! నువ్వు చేస్తున్నంత ఉగ్రమైన తపస్సు ఇంతకు పూర్వం ఎవరూ చేసినవారు ఎవరూ లేరు. ఇకముందు ఎవరూ చేయలేరు. నీ తపో దీక్షకు మెచ్చుకుంటున్నాను. కోరిన కోరికలు ఇస్తాను. ఇంకా కష్టపడి తపస్సు చేయటం ఆపెయ్యి. వరాలు కోరుకో ఇస్తాను.  

७-८१-मत्तकोकिलमु

“ओ! सुरारिकुलॅएंद्र! नी क्रिय नुग्रमैन तपंबु मुन

चेसि चूपिनवारु ले; रिँकँ जेयुवारुनु लेरु; ने

नी समाधिकि मेच्चितिन विनु नी यभीष्टमु लित्तु ना

यास मेटिकि लेम्मु लेम्मु महात्म! कोरुमु कोरिकल

          ఓ = ఓ; సురారికులేంద్రా = హిరణ్యకశిపుడా {సురారికులేంద్రుడు - సుర (దేవతల) అరి (శత్రువుల) కుల (వంశములన్ని టికి) ఇంద్ర (ప్రభువు), హిరణ్యకశిపుడు}; నీ = నీ; క్రియన్ = వలె; ఉగ్రము = తీవ్రమైనది; ఐన = అయిన; తపంబున్ = తపస్సును; మున్ = ఇంతకు పూర్వము; చేసి = చేసి; చూపిన = చూపించిన; వారు = వారు; లేరు = లేరు; ఇక = ఇకపైన; చేయు = చేయబోవు; వారును = వారు; లేరు = లేరు; నేన్ = నేను; నీ = నీ యొక్క; సమాధి = తపోసమాధి; కిన్ = కి; మెచ్చితిన్ = మెచ్చుకొంటిని; విను = వినుము; నీ = నీ; అభీష్టములు = కోరికలు; ఇత్తును = ఇచ్చెదను; ఆయాసము = శ్రమపడుట; ఏటికిన్ = ఎందులకు; లెమ్ము = లేచిరమ్ము; లెమ్ము = లేచిరమ్ము; మహాత్మ = గొప్పవాడ; కోరుము = కోరుకొనుము; కోరికల్ = కోరికలు.

http://telugubhagavatam.org/?tebha&Skanda=7&Ghatta=5&Padyam=81.0

: :చదువుకుందాం భాగవతం; బాగుపడదాం మనం అందరం: :