బ్రహ్మవరములిచ్చుట - యాగములు

7-103-కంద పద్యము

యాగములు బుధులు ధరణీ

భాగములం జేయుచుండఁ బఱతెంచి హవి

ర్భాగములు దాన కైకొనుఁ

జాగింపఁడు దైత్యుఁ డమరసంఘంబునకున్.

            భూలోకంలో జ్ఞానులు అక్కడక్కడ యజ్ఞాలు చేయటం ఆలస్యం, పరుగున వచ్చి ఆ రాక్షసుడు హవిస్సులు అన్నీ తనే కాజేస్తాడు. దేవతలకు దక్కనివ్వడు.

७-१०३-कंद पद्यमु

यागमुलु बुधुलु धरणी

भागमुलं जेयुचुंडँ बर्रतेंचि हवि

र्भागमुलु दान कैकोनुँ

जागिंपँडु दैत्युँ डमरसंघंबुनकुन्.

          యాగములు = యజ్ఞములకై; బుధులు = జ్ఞానులు; ధరణీభాగములన్ = భూప్రదేశముల; చేరుచుండ = దగ్గరకువచ్చుచుండగ; పఱతెంచి = పరుగునవచ్చి; హవిర్భాగములను = యజ్ఞహవిస్సులను; తాన = తనే; కైకొను = తీసుకొనును; చాగింపడు = పోనీయడు, సాగనీయడు; దైత్యుడు = రాక్షసుడు; అమర = దేవతల {అమరులు - మరణము లేనివారు, దేవతలు}; సంఘంబున్ = సమూహమున; కున్ = కు.

http://telugubhagavatam.org/?tebha&Skanda=7&Ghatta=5&Padyam=103.0

: :చదువుకుందాం భాగవతం; బాగుపడదాం మనం అందరం: :