ఉషా పరిణయం - 53

( మహేశ వైష్ణవ జ్వర ప్రకారంబు ) 

10.2-437-వ.

అంత.

10.2-438-చ.

నుత నవపుండరీకనయనుం డన నొప్పు మురారి రోష ఘూ

ర్ణిత మహితారుణాబ్జదళనేత్రుఁడు దా నటు పంచె దైత్యుపై

దితిసుత కాననప్రకరదీపితశుక్రము రక్షితాంచితా

శ్రితజన చక్రమున్ సతతసేవితశక్రము దివ్యచక్రమున్.

భావము:

అలా బాణాసురుడి అస్త్రాలు అన్నింటిని త్రుంచి వేసిన సమయంలో

శ్రీకృష్ణుడి తెల్లతామరరేకుల వలె ఉండే నేత్రాలు రోషం వలన ఎఱ్ఱతామరరేకులుగా మారిపోయాయి. శ్రీకృష్ణుడు అసురులు అనే అరణ్యాలను అగ్నివలె కాల్చివేసేదీ; ఆశ్రితజన రక్షణ గావించేదీ; దేవేంద్రాది దేవతలచే సేవింపబడేదీ అయిన సుదర్శనచక్రాన్ని బాణాసురుడి మీద ప్రయోగించాడు.

http://telugubhagavatam.org/?tebha&Skanda=10.2&Ghatta=38&padyam=438

: : భాగవతం చదువుకుందాం : : 

: : తెలుగులో మాట్లాడుకుందాం : :