8-1-క.
శ్రీమన్నామ! పయోద
శ్యామ! ధరాభృల్లలామ! జగదభిరామా!
రామాజనకామ! మహో
ద్ధామ! గుణస్తోమధామ! దశరథరామా!
టీకా:
శ్రీమన్నామ = శ్రీరామ {శ్రీమన్నాముడు - శ్రీమత్ (మంగళవంతమైన)
నామ (పేరుగలవాడు), రాముడు};
పయోదశ్యామ
= శ్రీరామ {పయోదశ్యాముడు - పయోద (మేఘము వంటి) శ్యామ
(నల్లనివాడు), రాముడు};
ధరాభృల్లలామ
= శ్రీరామ {ధరాభృల్లలాముడు - ధరాభృత్ (రాజులలో)
లలాముడు (శ్రేష్ఠమైనవాడు), రాముడు}; జగదభిరామ = శ్రీరామ {జగదభిరాముడు - జగత్ (లోకములకు)
రాముడు
(అందమైనవాడు), రాముడు};
రామాజనకామ
= శ్రీరామ {రామాజనకాముడు - రామా (రమించునట్టివారైన, స్త్రీ) జన (జనులకు) కాముడు
(మన్మథునివంటివాడు), రాముడు};
మహోద్ధామ
= శ్రీరామ {మహోద్ధాముడు - మహా (గొప్ప) ఉద్ధాముడు
(ఉద్ధరించెడివాడు), రాముడు};
గుణస్తోమధామ
= శ్రీరామ {గుణస్తోమధాముడు - గుణస్తోమ (సుగుణములకు)
ధాముడు (నెలవైనవాడు), రాముడు}; దశరథరామా = శ్రీరామ {దశరథరాముడు - దశరథుని యొక్క
కుమారుడైన
రాముడు (ఆనందింపజేయువాడు), రాముడు}.
భావము:
మంగళకర మైన పేరు కలవాడా! మేఘం వంటి కాంతివంత మైన
దేహం కలవాడా! రాజులలో బహు గొప్పవాడా!
ఆఖిల
లోకాలలో అందమైన వాడా! స్త్రీలకు మన్మథుని వంటి వాడా! బహు గంభీరమైన వాడా! సుగుణాలనే సంపదలకు నిలయమైన వాడా! దశరథకుమారు డైన శ్రీరామచంద్రా! అవధరించు!
8-1-ka.
shreemannaama! payoda
shyaama! dharaabhRillalaama! jagadabhiraamaa!
raamaajanakaama! maho
ddhaama! guNastomadhaama! dasharatharaamaa!
: :చదువుకుందాం భాగవతం; బాగుపడదాం మనం అందరం: :
No comments:
Post a Comment