కృష్ణలీలలు

10.1-368-కంద పద్యము

గజ్జలు గల్లని మ్రోయఁగ

నజ్జలు ద్రొక్కుటలు మాని యతిజవమున యో

షిజ్జనములు నగఁ దల్లియుఁ

బజ్జం జనుదేర నతఁడు పరువిడె నధిపా!

10.1-369-వచనము

అప్పుడు.

         తన ఆగడాలు చూసి కొట్టడానికి వస్తున్న తల్లి యశోదకు దొరకకుండా రోలు మీదనుంచి దూకేసి. . .

         చిలిపి కృష్ణుడు చిందులు తొక్కటాలు మానేసి, చాలా వేగంగా పరుగు లంకించుకున్నాడు. కాలి గజ్జలు గల్లు గల్లు మని మ్రోగుతున్నాయి. తల్లి యశోదాదేవి వెంట పరుగెట్టుకుంటూ వస్తోంది. గోపికా స్త్రీలు నవ్వుతూ చూస్తున్నారు.

         అప్పుడు. . .

10.1-368-kaMda padyamu

gajjalu gallani mrOyaM~ga

najjalu drokkuTalu maani yatijavamuna yO

Shijjanamulu nagaM~ dalliyuM~

bajjaM janudEra nataM~Du paruviDe nadhipaa!

10.1-369-vachanamu

appuDu.

          గజ్జలు = కాలిగజ్జలు; గల్లు = గల్లుగల్లు; అని = అని; మ్రోయగన్ = మోగుతుండగా; అజ్జలు = చిందులు; త్రొక్కుటలు = వేయుట; మాని = వదిలేసి; అతి = మిక్కిలి; జవమునన్ = వేగముగా; యోషిజ్జనములు = ఆడవాళ్ళు; నగన్ = నవ్వుతుండగ; తల్లియున్ = తల్లి; పజ్జన్ = కూడా; చనుదేరన్ = వస్తుండగా; అతడు = అతను; పరువిడెన్ = పరుగెట్టెను; అధిపా = రాజా.

         అప్పుడు = ఆ సమయమందు

http://telugubhagavatam.org/?tebha& Skanda=10.1&Ghatta=53&Padyam=368.0

: : చదువుకుందాం భాగవతం; బాగుపడదాం; మనం అందరం : :