కృష్ణలీలలు

10.1-351-కంద పద్యము

ప్రబ్బిన భక్తిని హరిపైఁ

గబ్బంబులు చెప్పి కవులు కైవల్యశ్రీ

కబ్బుదు రఁట హరిపోషణ

మబ్బిన తలిదండ్రు లెచటి కబ్బుదురొ? తుదిన్.

         కవీశ్వరులు ఎంతో భక్తితో శ్రీమహావిష్ణువు మీద కావ్యాలు వ్రాసి, మోక్షలక్ష్మీకటాక్షానికి పాత్రులు అవుతారు. మరి ఆ విష్ణుమూర్తినే కని, పెంచి, పోషించే అదృష్టానికి నోచుకున్న తల్లిదండ్రులు ఏ లోకానికి చేరతారో?

         అని పరీక్షిన్మహారాజు యశోదకు నోటిలో విశ్వరూపం చూపిన బాలకృష్ణుని లీలలు చెప్పగా విని, ఇలా అడుగుతున్నాడు.

10.1-351-kaMda padyamu

prabbina bhaktini haripaiM~

gabbaMbulu cheppi kavulu kaivalyashree

kabbudu raM~Ta haripOShaNa

mabbina talidaMDru lechaTi kabbuduro? tudin.

         ప్రబ్బిన = అతిశయించిన; భక్తిని = భక్తితో; హరి = విష్ణుమూర్తి; పైన్ = మీద; కబ్బంబులున్ = కావ్యములు, కవిత్వము; చెప్పి = రచియించి; కవులున్ = పండితులు; కైవల్యశ్రీ = మోక్షసంపద; కిన్ = కున్; అబ్బుదురు = చెందుదురు; అట = అంటారు; హరి = శ్రీహరి యొక్క; పోషణమున్ = పెంచుట; అబ్బిన = లభించిన; తలిదండ్రులు = తల్లిదండ్రులు; ఎచటి = ఎంతగొప్పపదమున; కిన్ = కు; అబ్బుదురొ = పొందెదరు; తుదిన్ = చివరకు.

http://telugubhagavatam.org/?tebha&Skanda=10.1&Ghatta=50&Padyam=351.0

: : చదువుకుందాం భాగవతం; బాగుపడదాం; మనం అందరం : :