పోతన తెలుగు భాగవతం గణనోపాఖ్యానం: తెలుగు భాగవత తేనె సోనలు

Thursday, April 3, 2014

తెలుగు భాగవత తేనె సోనలు – 247

తలగినదానం

10.1-319-క.

తలఁగినదానం దల మనఁ

దలఁగక యా చెలికి నాన తలయెత్తఁగ నీ

తలఁగిన చోటెయ్యది యని

తల యూఁచెన్ నీ సుతుండు తగవె? మృగాక్షీ!

చక్కని లేడికన్నులవంటి కళ్ళు నీ కున్నాయిలే కాని ఓ యశోదమ్మ! ఇటు చూడు. ఈ అమ్మాయి “బహిష్ఠు అయ్యాను దూరంగా ఉండు” అంటే, నీ పుత్రుడు తప్పుకోడు. పైగా తలూపుతూ “బయిష్ఠు అయిన చోటేది” అని అడిగాడుట. ఈ అమ్మాయేమో పాపం సిగ్గుతో చితికిపోయింది. ఇదేమైనా బావుందా చెప్పు.

కపట మానవబాలకు డైన శ్రీకృష్ణమూర్తి క్రీడించే ఆ లీలలు తమను అనుగ్రహించడమే నని యెరుగక, గోపికలు ఓపికలులేక యశోదాదేవికి చెప్పుకుంటున్నారు.

10.1-319-ka.

tala@MginadaanaM dala mana@M

dala@Mgaka yaa cheliki naana talayetta@Mga nee

tala@Mgina chOTeyyadi yani

tala yoo@Mchen nee sutuMDu tagave? mRgaakshee!

తలగినదానన్ = బహిష్టురాలను; తలము = తప్పుకొనుము; అనన్ = అనగా; తలగక = తప్పుకొనక; ఆ = ఆ; చెలి = ఇంతి; కిన్ = కి; నాన = సిగ్గు; తలయెత్తగ = కలుగునట్లుగా; నీ = నీ యొక్క; తలగిన = తొలగిన; చోటు = చోటు; ఎయ్యది = ఏది; అని = అని; తల = శిరస్సును; ఊచెన్ = ఊపెను; నీ = నీ యొక్క; సుతుండు = పుత్రుడు; తగవె = ఇదిధర్మమేనా. కాదు; మృగాక్షీ = సుందరీ {మృగాక్షి - లేడికన్నులామె, స్త్రీ}.