8-74 ఒకపరి జగములు
8-74-క.
ఒకపరి జగములు వెలినిడి
యొకపరి లోపలికిఁ గొనుచు నుభయముఁ దానై
సకలార్థ సాక్షి యగు న
య్యకలంకుని నాత్మమూలు నర్థిఁ దలంతున్.
8-74-ka.
okapari
jagamulu veliniDi
yokapari
lOpaliki@M gonuchu nubhayamu@M daanai
sakalaartha
saakshi yagu na
yyakalaMkuni
naatmamoolu narthi@M dalaMtun^.
ఒకసారి లోకాలను
సృష్టి చేసి, ఇంకొకసారి తనలో లయం చేసుకుంటు, ఆ లోకాలు రెండు తానే అయ్యి, అన్ని
విషయాలను సాక్షీభూతంగా ఆలోకిస్తూ, ఆత్మలకు ఆత్మ అయిన ఆ పరమాత్మను ఆసక్తితో ధ్యానం
చేస్తాను. – అని
గజేంద్రుడు మొసలి బారిన పడి శరణు కోరుటకు భగవంతుని నెలకొల్పుకుంటున్నాడు.
ఒకపరి = ఒకసారి; జగములు = లోకములను; వెలినిడి = బయటపెట్టి, సృష్టించి; యొకపరి - ఒకపరి = ఒకసారి; లోపలికిఁ గొనుచు నుభయముఁ
దానై - లోపలికిన్ = తనలోపలికి; కొనుచున్ = లయము చేసికొనుచు; ఉభయంబున్ = ఆ రెండు లోకములును; తాను = తనే; ఐ = అయ్యి; సకలార్థసాక్షి - సకల = సమస్తమైన; అర్థ = విషయములకు; సాక్షి = అతీతముగ చూచువాడు; యగు న య్యకలంకుని నాత్మమూలు
నర్థిఁ దలంతున్ - అగున్ = అయినట్టి; ఆ = ఆ; అకలంకున్ = దోషములు లేని వానికి; ఆత్మమూలున్ = పరమాత్మను; అర్థిన్ = కోరి; తలంతున్ = ధ్యానము చేసెదను.
|| ఓం నమో భగవతే వాసుదేవాయః ||
No comments:
Post a Comment