నాకొడుకును
10.1-325-క.
నా కొడుకును నా కోడలు
నేకతమునఁ బెనఁగ బాము నీతఁడు వైవం
గోక లెఱుంగక పాఱినఁ
గూఁక లిడెన్ నీ సుతుండు గుణమె? గుణాఢ్యా!
నా కొడుకు కోడలు ఏకాంతంలో
ఉంటే, నీ కొడుకు వెళ్ళి పాము నొకదానిని వారిమీద పడేసాడు. వంటిమీద బట్టలు లేవని
తెలియనంతగా భయపడిపోయి, వాళ్ళు పరుగులు పెడుతుంటే, చూసి హేళనగా కేకలెట్టాడు. ఓ
యశోదమ్మా! నీవేమో సుగుణాల రాశివి
కదా. మరి మీ వాడి గుణ మేమైనా బావుందా చెప్పు.
ఆ కపట శైశవ కృష్ణమూర్తి దొంగజాడల జేయు బాల్యచేష్టలను గోపికలు ఓపికలు లేక
యశోదాదేవికి చెప్పుకుంటున్నారు.
10.1-325-ka.
naa
koDukunu naa kODalu
naekatamuna@M
bena@Mga baamu neeta@MDu vaivaM
gOka
leRuMgaka paaRina@M
goo@Mka
liDen nee sutuMDu guName? guNaaDhyaa!
నా = నా యొక్క; కొడుకును = పుత్రుడు; నా = నా యొక్క; కోడలున్ = కొడుకు
భార్య;
ఏకతమునన్ = ఏకాంత మందు; పెనగన్ = కలియుచుండగా; పామున్ = సర్పమును; ఈతడున్ = ఇతను; వైవన్ = వేయగా; కోకలు = వంటిమీది
బట్టలు;
ఎఱుంగక = తెలియకుండ; పాఱినన్ = పరుగెట్టగా; కూకలు = కేకలు; ఇడెన్ = పెట్టెను; నీ = నీ యొక్క; సుతుండు = పుత్రుడు; గుణమె = మంచి బుద్దా
ఇది, కాదు; గుణాఢ్య = ఇల్లాలా {గుణాఢ్య
- సుగుణములచే ఉత్తమురాలు, స్త్రీ}.
~~~|సర్వేజనాః సుఖినోభవంతు|~~~
No comments:
Post a Comment