మీ పాపడు
10.1-309-క.
మీ పాపఁడు మా గృహముల
నా పోవఁగఁ బాలు ద్రావ నగపడ కున్నన్
గోపింపఁ బిన్నపడుచుల
వాపోవఁగఁ జిమ్ముకొనుచు వచ్చెం దల్లీ!
ఓ యమ్మా! మీ అబ్బాయికి
మా యింట్లో తాగటానికి సరిపడగ పాలు కనబడలేదని కోపించి పసిపిల్లను
పడదోసుకుంటూ బయటకు వస్తున్నాడు. పసిపిల్లలేమో గుక్కపెట్టి ఏడుస్తున్నారు. మరి
నువ్వు ఓ బిడ్డకు తల్లివే కదా ఇదేమైనా బాగుందా చెప్పు.
ఆ కపట శైశవ కృష్ణమూర్తి దొంగజాడల జేయు బాల్యచేష్టలను గోపికలు ఓపికలు
లేక యశోదాదేవికి చెప్పుకుంటున్నారు.
10.1-309-ka.
mee
paapa@MDu maa gRhamula
naa
pOva@Mga@M baalu draava nagapaDa kunnan
gOpiMpa@M
binnapaDuchula
vaapOva@Mga@M
jimmukonuchu vachcheM dallee!
మీ = మీ యొక్క; పాపడు = పిల్లవాడు; మా = మా యొక్క; గృహములన్ = ఇండ్లలో; ఆపోవగన్ = సరిపడినంత; పాలు = పాలను; త్రావ = తాగుటకు; అగపడకన్ = కనబడకుండా; ఉన్నన్ = ఉండగా; కోపింపన్ = కోపించినచో; పిన్నపడపచులన్ = పసిబిడ్డలను; వాపోవగన్ = ఏడ్పించుచు; జిమ్ముకొనుచు = కాలితో ఎగజిమ్ముతో; వచ్చెన్ = వచ్చెను.
~~~|సర్వేజనాః సుఖినోభవంతు|~~~
No comments:
Post a Comment