శ్రీకృష్ణ విజయము - 274

( ప్రద్యుమ్న వివాహంబు )

10.2-291-క.

అని పురికొల్పిన రుక్మియుఁ

దన చేటు దలంప లేక తాలాంకునితో

డను జూదమాడఁ దివిరెను

వనజాసను కృతము గడచు వారెవ్వ రిలన్?

10.2-292-వ.

అంత.

10.2-293-క.

కోరి విదర్భుఁడు కుటిల వి

హారుండై పిలిచె జూదమాడ జితారిన్

హారిన్ సన్నుతసూరిన్

సీరిన్ రైవతసుతార్ద్ర చిత్తవిహారిన్.

భావము:

కళింగదేశాధీశుడు ఈ మాదిరిగా పురికొల్పగా, రుక్మి తనకు కలిగే చేటు గమనించుకోకుండా, తాడిచెట్టు జండా గుర్తుగా కల ఆ బలరాముడితో జూదమాడడానికి సిద్ధమయ్యాడు. లోకంలో బ్రహ్మవ్రాత తప్పించుకో గలవారు ఎవరు లేరు కదా. అటుపిమ్మట శత్రుసంహారకుడు, సజ్జన సేవితుడు, రేవతీవల్లభుడూ, హాలాయుధుడూ అయిన బలరాముణ్ణి జూదమాడడానికి రమ్మని, రుక్మి కుటిల స్వభావంతో కోరి.

http://telugubhagavatam.org/?tebha&Skanda=10.2&Ghatta=29&Padyam=293

: : తెలుగులో మాట్లాడుకుందాం : :

: : భాగవతం చదువుకుందాం : :