రుక్మిణీకల్యాణం – అనిన రాజిట్లనియె

5- వ.

అనిన రాజిట్లనియె “మున్ను రాక్షసవివాహంబున స్వయంవరం బునకు వచ్చిన హరి రుక్మిణిం గొని పోయె నని పలికితివి; కృష్ణుండొక్కరుం డెవ్విధం బున సాళ్వాదుల జయించి తన పురంబు నకుం జనియె; అదియునుం గాక.

    అప్పుడు పరీక్షిత్తు ఇలా అడిగాడు “స్వయంవరాని కొచ్చిన కృష్ణుడు రాక్షస వివాహ పద్దతిలో రుక్మిణిని తన ద్వారకాపట్టణానికి తీసుకుపోయేడని చెప్పావు. కృష్ణుడు ఒంటరిగా సాళ్వుడు మొదలైనవారి నందరిని ఎలా జయించాడు. ఇంకా

5- va.

anina raajiTlaniye “munnu raakShasavivaahaMbuna svayaMvaraM bunaku vachchina hari rukmiNiM goni pOye nani palikitivi; kRiShNuMDokkaruM DevvidhaM buna saaLvaadula jayiMchi tana puraMbu nakuM janiye; adiyunuM gaaka.

          అనినన్ = అనగా; రాజు = పరీక్షిన్మహారాజు; ఇట్లు = ఈ విధముగ; అనియె = పలికెను; మున్ను = ఇంతకు ముందు; రాక్షస = రాక్షసము అనెడి {రాక్షసము - బలాత్కారమున కన్యను అపహరించి వివాహమాడు పద్ధతి}; వివాహంబునన్ = వివాహపద్ధతిని {అష్టవిధవివాహములు - 1బ్రాహ్మము 2దైవము 3ఆర్షము 4ప్రాజాపత్యము 5ఆసురము 6గాంధర్వము 7రాక్షసము 8పైశాచము}; స్వయంవరంబున్ = స్వయంవరమున {స్వయంవరము - కన్య ఇష్టానుసారము భర్తను ఎంచుకొని వరించుట}; కున్ = కు; వచ్చిన = వచ్చినట్టి; హరి = కృష్ణుడు; రుక్మిణిన్ = రుక్మిణిని; కొనిపోయెన్ = తీసుకెళ్ళెను; అని = అని; పలికితివి = చెప్పితివి; కృష్ణుండు = కృష్ణుడు; ఒక్కరుండున్ = ఒక్కడు; ఏ = ఏ; విధంబునన్ = విధముగా; సాళ్వ = సాళ్వుడు; ఆదులన్ = మున్నగువారిని; జయించి = గెల్చి; తన = తన యొక్క; పురంబున్ = పట్టణమున; కున్ = కు; చనియెన్ = వెళ్ళెను; అదియునున్ = అంతే; కాక = కాకుండా.

http://telugubhagavatam.org/?tebha&Skanda=10.1&Ghatta=202&Padyam=1683

: : చదువుకుందాం భాగవతం; బాగుపడదాం; మనం అందరం  : :