తెలుగు భాగవత తేనె సోనలు – 147

iMdiMdi raati

9-603-క.

ఇందింది రాతి సుందరి

యిందిందిర చికుర యున్న దిందింద; శుభం

బిం దిందువంశ; యను క్రియ

నిందీవరవీథి మ్రోసె నిందిందిరముల్.

          సన్నివేశానికి తగిన ‘ఇంది’ ప్రాసతో కూడిన వృత్యను ప్రాసాలంకా రాదులుతో, రాబోయే సమాగమానికి అనుగుణమైన రాయంచ నడకలుతో రక్తి కట్టిస్తు, చమత్కారాలు పోతున్న ఈ అందమైన కందం మనోహర మైన దుష్యంతుని చరిత్రలోది. దుష్యంతుడు కణ్యాశ్రమానికి వస్తున్న సమయంలో

“ఓ చంద్రవంశోద్ధారకా! లక్ష్మీదేవికంటె అందగత్తె, తుమ్మెదల వంటి ముంగురులు గల సుందరి శకుంతల ఇక్కడే ఉంది. నీకు శుభం కలుగుతుంది.” అన్నట్లుగా కలువపూలల్లో తిరుగుచున్న తుమ్మెదలు ఝంకారాలు చేశాయి.

9-603-ka.

iMdiMdi raati suMdari

yiMdiMdira chikura yunna diMdiMda; SubhaM

biM diMduvaMSa; yanu kriya

niMdeevaraveethi mrOse niMdiMdiramul.

ఇందిందిర = లక్ష్మీదేవి; అతి = కంటె నెక్కువ; సుందరి = అందమై నామె; ఇందిందిర = తుమ్మెదల వంటి; చికుర = ముంగురులు కలామె; ఉన్నది = ఉంది; ఇందిందన్ = దగ్గరలోనే; శుభంబు = మంచి జరుగును; ఇందు = ఇక్కడ; ఇందువంశ = చంద్ర వంశస్తుడా; అను = అనుచున్న; క్రియన్ = విధముగ; ఇందీవర = నల్ల కలువల; వీథిన్ = సమూహము నందు; మ్రోసెన్ = ఝంకారము చేసినవి; ఇందిందిరముల్ = మధుపములు .

http://www.telugubhagavatam.org/products.php?psid=648&catid=6&scatid=25&ccatid=

~~~|సర్వేజనాః సుఖినోభవంతు|~~~