తెలుగు భాగవత తేనె సోనలు_52

6-7 kaaLiki   

6-7-క.

కాళికి బహుసన్నుత లో

కాళికిఁ గమనీయ వలయ కరకీలిత కం

కాళికిఁ దాపస మానస

కేళికి వందనము చేసి కీర్తింతు మదిన్.

6-7-ka.

kaaLiki bahusannuta lO

kaaLiki@M gamaneeya valaya karakeelita kaM

kaaLiki@M daapasa maanasa

kaeLiki vaMdanamu chaesi keertiMtu madin^.

          లోకాలన్నీ సాగిల పడి మొక్కే అమ్మ, కమనీయ కనకకంకాణాలు ధరించిన చేతులలో కపాలం ధరించే తల్లి, మహామునుల మనసులలో విహరించే మాత కాళీమాతను చేతులు జోడించి ప్రస్తుతిస్తాను.

                6-7-| కాళి = పార్వతీ దేవి; కిన్ = కి; బహు సన్నుత లోకాళి = పార్వతీ దేవి {బహు సన్నుత లోకాళి - బహు (అనేకమైన) సన్నుత (స్తుతించెడి) లోక (లోకముల) ఆళి (సమూహములు గలామె), పార్వతి}; కిన్ = కు; కమనీయ వలయ కర కీలిత కంకాళి = పార్వతీ దేవి {కమనీయ వలయ కర కీలిత కంకాళి - కమనీయ (మనోహర మైన) వలయ (కంకణములు) కర (చేతు లందు) కీలిత (అలంకరింపబడిన) కంక (పుర్రె గల) ఆళి (నిర్మల మైన మనసు గలామె), పార్వతి}; కిన్ = కి; తాపస మానస కేళి = పార్వతీ దేవి {తాపస మానస కేళి - తాపసుల మానస (మనసు లందు) కేళి (విహరించెడి యామె), పార్వతి}; వందనము = నమస్కారము; చేసి = చేసి; కీర్తింతున్ = స్తుతింతును; మదిన్ = మనసు నందు.

http://telugubhagavatam.org/

~~~|సర్వేజనాః సుఖినోభవంతు|~~~