శ్రీకృష్ణ విజయము - ౫౬౨(562)

( శ్రుతదేవ జనకుల చరిత్రంబు ) 

10.2-1178-ఉ.

ఆ పురి నేలువాఁడు బహుళాశ్వుఁడు నా నుతి కెక్కినట్టి ధా

త్రీపతి యా ధరామరునిరీతిని నిష్కలుషాంతరంగుఁడై

యే పనులందు ధర్మగతి నేమఱఁ కర్థిఁ జరించుచుండె ల

క్ష్మీపతి వారిపైఁ గరుణఁ జేసి ప్రసన్నముఖాంబుజాతుఁడై.

భావము:

ఆ నగరానికి రాజు బహుళాశ్వుడనే నామాంతరంగల జనకుడు. అతడు శ్రుతదేవుని వలెనే నిర్మలాంతరంగుడై ఏపనిచేసినా ధర్మాన్ని విస్మరించకుండా జీవిస్తున్నాడు శ్రీకృష్ణునికి వారిద్దరిమీద అనుగ్రహం కలిగింది.

http://telugubhagavatam.org/?tebha&Skanda=10.2&Ghatta=82&Padyam=1178

: : తెలుగులో మాట్లాడుకుందాం : : 

: : భాగవతం చదువుకుందాం : :