కుంతి స్తుతి - మలయమున

1-194-క.

మలయమునఁ జందనము క్రియ

వెలయఁగ ధర్మజుని కీర్తి వెలయించుటకై

యిలపై నభవుఁడు హరి యదు

కులమున నుదయించె నండ్రు గొంద, ఱనంతా!

          మలయమునన్ = మలయపర్వతముమీది; చందనము = గంధపుచెట్టు సువాసన; క్రియన్ = వలె; వెలయఁగన్ = విస్తరించునట్లు; ధర్మజుని = ధర్మరాజు యొక్క {ధర్మజుడు - యమధర్మరాజు కొడుకు, ధర్మరాజు}; కీర్తి = కీర్తిని; వెలయించుట = ప్రకాశింజేయుట; కై = కోసం; ఇల = భూమి; పై = మీద; అభవుఁడు = పుట్టకలేనివాడు, కృష్ణుడు; హరి = కృష్ణుడు; యదు = యదు; కులమునన్ = వంశములో; ఉదయించెన్ = అవతరించెను; అండ్రు = అందురు; కొందఱు = కొందరు; అనంతా = అంతము లేనివాడా,/ కృష్ణా.

         ధర్మనందనుని యశస్సు, మలయపర్వతం మీద చందనవృక్షం సువాసనల చందాన, సలుదెసలా ప్రసరింపజేయటానికి, శ్రీకృష్ణా! పుట్టుక ఎరుగని పురుషోత్తముడవైన నీవు యదువంశంలో ఉదయించావని కొంద రంటారు.

1-194-kaMda padyamu

malayamunaM~ jaMdanamu kriya

velayaM~ga dharmajuni keerti velayiMchuTakai

yilapai nabhavuM~Du hari yadu

kulamuna nudayiMche naMDru goMda RranaMtaa!

: :చదువుకుందాం భాగవతం; బాగుపడదాం మనం అందరం: :