తండ్రిక్రియ
9-336-క.
తండ్రి క్రియ రామచంద్రుఁడు
తండ్రుల మఱపించి ప్రజలఁ దా రక్షింపన్
తండ్రుల నందఱు మఱచిరి
తండ్రిగదా రామచంద్రధరణిపుఁ డనుచున్.
తండ్రిలా శ్రీరామచంద్రప్రభువు ప్రజలను
కన్నతండ్రిని మించి కాపాడుతు రాజ్యం పాలించాడు. ప్రజ లందరు మా తండ్రి మహారాజు
రామచంద్రుడే అని తమ తండ్రులను మరిచారు.
భాగవతంలోని రామాయణ ఘట్టంలోని శ్రీరామరాజ్య వర్ణన ఇది.
9-336-ka.
taMDrikriya
raamachaMdru@MDu
taMDrula maRapiMchi
prajala@M daa rakshiMpan
taMDrula
naMdaRu maRachiri
taMDrigadaa
raamachaMdradharaNipu@M Danuchun.
తండ్రి = కన్నతండ్రి; క్రియన్ = వలె; రామచంద్రుడు = శ్రీరాముడు; తండ్రులన్ = కన్నతండ్రులను; మఱపించి = మరిపించి; ప్రజలన్ = లోకులను; తాన్ = తను; రక్షింపన్ = ఏలుతుండగా; తండ్రులన్ = కన్నతండ్రులను; అందఱున్ = అందరు; మఱచిరి = మరచిపోయిరి; తండ్రి = తండ్రి; కదా = కదా; రామచంద్ర = రామయ్యతండ్రి అనెడి; ధరణిపుడు = రాజు {ధరణిపుడు - ధరణిని ఏలెడివాడు, రాజు}; అనుచున్ = భావించుచు.
~~~|సర్వేజనాః సుఖినోభవంతు|~~~
No comments:
Post a Comment