నారాయణుని వైషమ్య అభావం - ఎట్టివారికైన

7-10-ఆటవెలది

“ఎట్టివారి కైన నేకాంతులకు నైన,

వచ్చి చొరఁగ రాని వాసుదేవు

తత్త్వమందుఁ జేది ధరణీశుఁ డహితుఁడై,

యెట్లు జొచ్చె? మునివరేణ్య! నేఁడు.

          “ఓ నారదా! ఎలాంటివారికైనా ఎంతటి అనన్యభక్తులకు అయినా ప్రవేశించడానికి సులభంకానట్టి ఆ మహా తత్వంలో, విష్ణు తత్వంలో శతృత్వం చూపుతున్న ఈ చేది దేశపు రాజు అయిన శిశుపాలుడు ఇంత సులువుగా ఎలా ఐక్యం అయ్యాడు; నీవు గొప్ప మునులలో మిన్న అయినవాడవు. ఇదెలా సాధ్యం అయిందో నాకు చెప్పు.

७-१०-आटवेलदि

“एट्टिवारि कैन नॅकांतुलकु नैन,

वच्चि चोरँग रानि वासुदॅवु

तत्त्वमंदुँ जॅदि धरणीशुँ डहितुँडै,

येट्लु जोच्चे? मुनिवरॅण्य! नॅँडु.

            ఎట్టి = ఎటువంటి; వారి = వారల; కిన్ = కు; ఐనన్ = అయినప్పటికిని; ఏకాంతుల్ = అనన్యభక్తులు; కున్ = కు; ఐనన్ = అయినను; వచ్చిచొరగన్ = ఐక్యమగుటకు; రాని = సాధ్యముకాని; వాసుదేవు = విష్ణువు యనెడి; తత్త్వము = పరమాత్మ; అందున్ = లో; చేది = చేదిదేశపు; ధరణీశుడు = రాజు {ధరణీశుడు - ధరణి (రాజ్యమున)కు ఈశుడు (ప్రభువు), రాజు}; ఎట్లు = ఏ విధముగ; చొచ్చెన్ = ప్రవేశించెను; ముని = మునులలో; వరేణ్య = శ్రేష్ఠుడా; నేఁడు = ఇప్పుడు.

http://telugubhagavatam.org/?tebha&Skanda=7&Ghatta=2&Padyam=10.0

: :చదువుకుందాం భాగవతం; బాగుపడదాం మనం అందరం: :