శ్రీ కృష్ణ విజయము - 64

(మల్లరంగ వర్ణన )

10.1-1314-వ.

అంత నా రామకృష్ణులు నలంకృతులై మల్లదుందుభి నినదంబు విని సందర్శన కుతూహలంబున.

10.1-1315-క.

ఓడక రంగద్వారము

జాడం జని వారు కనిరి సమద కువలయా

పీడంబున్ భిన్నపరా

క్రీడంబుం బ్రమదకంటకిత చూడంబున్.

భావము:

అప్పుడు బలరామకృష్ణులు జెట్టీల భేరీనినాదాలు విని అలంకరించుకున్నవారై మల్లరంగం చూడడానికి ఉబలాటంతో రామకృష్ణులు జంకూ గొంకూ లేకుండా రంగస్థలం ప్రవేశ ద్వారం దగ్గరకు వెళ్ళి మదించిన కువలయాపీడమనే పెద్ద ఏనుగును చూసారు. అది ఇతర గజాలను ఓడించడంలో మిక్కిలి నేర్పు కలది. ఆ గజరాజు పెచ్చు మీఱిన మదంతో గగుర్పొడుస్తున్న కుంభస్థలము కలది.

http://telugubhagavatam.org/?tebha&Skanda=10.1&Ghatta=154&padyam=1315

: : భాగవతం చదువుకుందాం : : 

: : తెలుగులో మాట్లాడుకుందాం :