శ్రీకృష్ణ లీలావిలాసం - 8

10.1-443-ఆ.
ఎల్ల పనులు మాని యేకాగ్రచిత్తుఁ డై
మౌనివృత్తి నితర మతము విడిచి
వనములోన నిలిచి వనజాక్షుపై దృష్టి
చేర్చి బకుఁడు తపసి చెలువుఁ దాల్చె.
10.1-444-వ.
ఇ వ్విధంబున నొదుగు పెట్టుకొని యుండి.

భావము:
ఆ కొంగ అన్ని పనులు మానేసి ఏకాగ్రచిత్తంతో అడవిలోని కొలనులో మునిలాగా నిలబడి ఉన్నది. ఇంక ఏ విధమైన కోరికలు లేవు ఒక్క కృష్ణుడి మీదనే దృష్టి అంతా కేంద్రీకరించింది. కృష్ణుడిని శత్రుత్వంతో చంపజూచే ఆ ప్రయత్నంలో మహర్షులు చేయదగిన తపస్సు దానికి సిద్ధించింది. అలా నీటిలో మాటువేసి ఉన్నాడు ఆ బకాసురుడు.

http://telugubhagavatam.org/?tebha&Skanda=10.1&Ghatta=62&padyam=443

: : చదువుకుందాం భాగవతం, బాగువడదాం మనం అందరం : :