శ్రీకృష్ణ విజయము - 260

( రుక్మిణిదేవి స్తుతించుట )

10.2-259-క.

ధరణీనాథులు దమతమ

వరవనితామందిరముల వసియించుచు గో

ఖర మార్జాలంబుల గతి

స్థిరబద్ధు లగుదురు నిన్నుఁ దెలియని కతనన్.

10.2-260-ఆ.

జలజనాభ! సకల జగ దంతరాత్మవై

నట్టి దేవ! నీ పదారవింద

యుగళి సానురాగయుక్తమై నా మదిఁ

గలుగునట్లు గాఁగఁ దలఁపు మనఘ!

భావము:

సర్వేశ్వరుడిని నిన్ను గుర్తించ లేని రాజులు తమ ప్రేయసీ మందిరాలలో నివసిస్తూ పశువులు లాగా, గాడిదలు లాగ, పిల్లులు లాగ స్థిరంగా బంధింపబడుతూ ఉంటారు. ఓ పద్మనాభా! సకల జగదంతర్యామివి అయిన నీ పాదపద్మాలమీద నా బుద్ధి నిరంతరం అనురాగంతో ప్రసరించేటట్లు అనుగ్రహించు.

http://telugubhagavatam.org/?tebha&Skanda=10.2&Ghatta=26&Padyam=260

: : తెలుగులో మాట్లాడుకుందాం : :

: : భాగవతం చదువుకుందాం : :