శ్రీకృష్ణ విజయము - 256

( రుక్మిణిదేవి స్తుతించుట )

10.2-250-ఆ.

వరమునీంద్ర యోగివర సురకోటిచే

వర్ణితప్రభావవైభవంబు

గలిగి యఖిలచేతనులకు విజ్ఞాన ప్ర

దుండ వగుదు వభవ! దురితదూర!

10.2-251-వ.

దేవా! భవదీయ కుటిల భ్రూవిక్షేపోదీరిత కాలవేగంబుచేత విధ్వస్తమంగళు లగు కమలభవ భవ పాకశాసనాదులం దిరస్కరించినట్టి మదీయ చిత్తంబున.

భావము:

ఓ జన్మరహితా! పాపములను తొలగించు వాడ! మునీంద్రులచే యోగివరులచే దేవతలచే వర్ణితమైన ప్రభావము కలిగిన నీవు, జీవులు సర్వులకు విజ్ఞానమును ఇచ్చువాడవు. ఓ భగవంతుడా! నీ కనుబొమలు ముడిపడినంత మాత్రాన సకల సౌభాగ్యాలు కోల్పోయి చెదరి బెదరిపోయే బ్రహ్మదేవుడు, ఈశ్వరుడు, దేవేంద్రుడు మున్నగువారిని అందరినీ తిరస్కరించిన నా హృదయంలో....

http://telugubhagavatam.org/?tebha&Skanda=10.2&Ghatta=26&Padyam=251

: : తెలుగులో మాట్లాడుకుందాం : :

: : భాగవతం చదువుకుందాం : :