తెలుగు భాగవత తేనె సోనలు – 210

పంకజముఖి

   10.1-105-క.

పంకజముఖి నీ ళ్ళాడఁను

సంకటపడ ఖలులమానసంబుల నెల్లన్

సంకటము దోఁచె; మెల్లన

సంకటములు లేమి తోఁచె సత్పురుషులకున్.

          పద్మం వంటి ముఖం గల దేవకి కృష్ణుని కనుటకు ప్ర,సవవేదనలు పడుతుంటే దుష్టుల మనస్సులలో ఏదో తెలియని ఆవేదన కలిగింది. మంచివారికి కష్టాలు నెమ్మదిగా తొలగిపోతున్న సూచనలు కనిపించాయి.

అంటు విశ్వేశుడు భూమిపై అవతరించే సమయంలో విశ్వమంతా ఎలా స్పందిస్తోందో వర్ణిస్తున్నారు మన పోతనమాత్యులవారు.

10.1-105-ka.

paMkajamukhi nee LLaaDa@Mnu

saMkaTapaDa khalulamaanasaMbula nellan

saMkaTamu dO@Mche; mellana

saMkaTamulu laemi tO@Mche satpurushulakun.

          పంకజముఖి = సౌందర్యవతి; నీళ్ళాడను = ప్రసవించుటకు; సంకటబడన్ = నెప్పులుపడుతుండగా; ఖలుల = దుష్టుల; మానసంబులన్ = మనసులలో; ఎల్లన్ = అన్ని; సంకటము = కీడులు; తోచెన్ = కనబడెను; మెల్లనన్ = శాంతిగా; సంకటములు = బాధలు; లేమి = లేకపోవుటలు; తోచెన్ = కనబడెను; సత్పురుషుల్ = సజ్జనుల; కున్ = కు.

http://telugubhagavatam.org/products.php?psid=239&catid=6&scatid=26&ccatid=

~~~|సర్వేజనాః సుఖినోభవంతు|~~~