శ్రీకృష్ణ విజయము - ౬౫౩(653)

( కృష్ణ సందర్శనంబు ) 

11-14-క.

"జనములు నిను సేవింపని

దినములు వ్యర్థంబు లగుచుఁ దిరుగుచు నుండుం

దనువులు నిలుకడ గావఁట

వనములలో నున్ననైన వనరుహనాభా!

11-15-క.

తరణంబులు భవజలధికి,

హరణంబులు దురితలతల, కాగమముల కా

భరణంబు, లార్తజనులకు

శరణంబులు, నీదు దివ్యచరణంబు లిలన్‌.

భావము:

“పద్మనాభా! నిను సేవించని దినములు సర్వం మానవులకు ప్రయోజన శూన్యములు; అడవులలో ఉన్నా దేహాలకు నిలుకడలు లేనివి. నీ దివ్యమైన పాదములు భవసముద్రం దాటించే నావలు; పాపాలతీగలను హరించేవి; ఆగమములకు అలంకారాలు; ఆర్తులకు శరణములు.

http://telugubhagavatam.org/?tebha&Skanda=11&Ghatta=4&Padyam=15

: : తెలుగులో మాట్లాడుకుందాం : : 

: : భాగవతం చదువుకుందాం : :