1-14-తే.
చేతులారంగ శివునిఁ బూజింపఁడేని
నోరు నొవ్వంగ హరికీర్తి నుడువఁడేని
దయయు సత్యంబు లోనుగాఁ దలఁపఁడేనిఁ
గలుగ నేటికిఁ దల్లుల కడుపుఁ జేటు.
ఈ లోకంలో పుట్టిన
ప్రతి వాడు చేతులారా శివుణ్ణి పూజించాలి. నోరారా కేశవుణ్ణి కీర్తించాలి. కరుణ
సత్యము మొదలైన గుణాలు అలవర్చుకోవాలి. అలా చేయని నిర్భాగ్యుడు ఈ లోకంలో పుట్టడం
ఎందుకు. తల్లి కడుపు చెడగొట్టడం ఎందుకు.
చేతులారంగ - చేతులు = చేతులు; ఆరంగ = నిండుగ; శివునిఁ బూజింపఁ డేని - శివుని = శివుడిని; పూబూజింపఁడు = పూజింపనివాడు; ఏని = ఐతే; నోరు - నోరు = నోరు; నొవ్వంగ - నొవ్వంగ = నొప్పెట్టేలా; హరి కీర్తి నుడువఁ డేని - హరి = విష్ణువుయొక్క; కీర్తి = కీర్తిని; నుడువఁడు = కీర్తించడు; ఏని = ఐతే; దయయు - దయయు = దయ మఱియు; సత్యంబు - సత్యంబు = సత్యములు; లోనుగాఁ దలఁపఁ డేనిఁ గలుగ
నేటికిఁ దల్లుల - లోనుగాన్ = కలుగునట్లు; తలఁపఁడేనిన్ = ఎంచకపోతే; కలుగన్ = పుట్టుట; ఏటి = ఎందుల; కిన్ = కు; తల్లుల = వారి తల్లుల యొక్క; కడుపుఁ జేటు - కడుపు = కడుపు; చేటు = చెడపుటకా.
|| ఓం నమో భగవతే వాసుదేవాయః ||
