కూర్మావతారము
8-201-క.
వననిధి జలముల లోపల
మునిఁగెడి గిరిఁ జూచి దుఃఖమునఁ జింతాబ్దిన్
మునిఁగెడి వేల్పులఁ గనుఁగొని
వనజాక్షుఁడు వార్ధినడుమ వారలు చూడన్.
టీకా:
వననిధి = సముద్రము
{వననిధి - వనము (నీటి)కి నిధి,
సముద్రము}; జలము = నీటి;
లోపలన్ = అందు;
మునిగెడి = మునిగిపోతున్న;
గిరిన్ = కొండను;
చూచి = చూసి;
దుఃఖమునన్ = శోకముతో;
చింత =
శోకమనెడి; అబ్దిన్ = సముద్రమువ;
మునిగెడి = మునిగిపోతున్న;
వేల్పులన్ = దేవతలను;
కనుగొని = చూసు;
వనజాక్షుడు = హరి;
వార్ధిన్ = సముద్రపు;
నడుమన్ = మధ్యలో;
వారలు = వారు; చూడన్ = చూచుచుండగ.
భావము:
దేవతలు అందరూ అలా ములిగిపోతున్న మందరపర్వతాన్ని చూస్తూ అంతులేని
దుఃఖసాగరంలో మునిగిపోతుంటే చూసిన విష్ణుదేవుడు, వారు చూస్తుండగానే సముద్రం మధ్య లోకి దిగాడు.
: :చదువుకుందాం భాగవతం; బాగుపడదాం మనం అందరం: :
No comments:
Post a Comment