దేవతల నరసింహ స్తుతి - కరకమలయుగ

7-304-క.

కరకమలయుగళ కీలిత

శిరులై డగ్గఱక భక్తిఁ జేసిరి బహు సం

సరణాబ్ధి తరికి నఖరికి

నరభోజనహస్తి హరికి నరకేసరికిన్.

టీకా:

          కర = చేతులు యనెడి; కమల = పద్మముల; యుగళ = జంటలచే; కీలిత = తగల్చబడిన; శిరులు = తలలు కలవారు; ఐ = అయ్యి; డగ్గఱక = దగ్గరకుచేరక; భక్తిన్ = ప్రపత్తిని; చేసిరి = చూపిరి; బహు = విస్తారమైన; సంసరణ = సంసారము యనెడి; అబ్ది = సముద్రమును; తరి = దాటించువాని; కిన్ = కి; నఖరి = గోళ్లుగలవాని; కిన్ = కి; నరభోజన = రాక్షసులు యనెడి {నరభోజనులు - నర (మానవులను) భోజనులు (తినెడివారు), రాక్షసులు}; హస్తి = ఏనుగుకి; హరి = సింహము యైనవాని; కిన్ = కి; నరకేసరి = నరసింహుని; కిన్ = కి.

భావము:

            అసంఖ్యాత కష్టాల సాగరమైన సంసారాన్ని తరింపజేసేవాడూ; నరులను భక్షించే రాక్షసజాతిలో మదించిన ఏనుగు అంత బలిష్ఠుడైన ఆ హిరణ్యకశిపుడిని సింహ పరాక్రమంతో హరింప జేసిన వాడూ అయిన నరసింహావతారుడిని; తమ కమలాలవంటి చేతులు రెంటిని జోడించి శిరస్సున జేర్చి దూరం నుండే భక్తితో నమస్కరించారు.

७-३०४-क.

करकमलयुगळ कीलित

शिरुलै डग्गर्रक भक्तिँ जेसिरि बहु सं

सरणाब्धि तरिकि नखरिकि

नरभोजनहस्ति हरिकि नरकेसरिकिन्.

http://telugubhagavatam.org/?tebha&Skanda=7&Ghatta=10&Padyam=304.0

: :చదువుకుందాం భాగవతం; బాగుపడదాం మనం అందరం: :