7-246-క.
గురువులు
దమకును లోఁబడు
తెరువులు
చెప్పెదరు విష్ణు దివ్యపదవికిం
దెరువులు
చెప్పరు; చీఁకటిఁ
బరువులు
పెట్టంగ నేల? బాలకులారా!
టీకా:
గురువులు = గురువులు; తమ = తమ; కును = కు; లోబడు = తెలిసిన; తెరువులు
= జాడలను; చెప్పెదరు = చెప్పెదరు; విష్ణు
= విష్ణుమూర్తి యొక్క {విష్ణువు - (విశ్వమున)
వ్యాపించి యుండువాడు, హరి}; దివ్య
= దివ్యమైన; పదవికిన్ = స్థానమున; కిన్ = కు; తెరువున్ = దారి; చెప్పరు
= తెలుపరు; చీకటిన్ = చీకటిలో; పరువులు
= పరుగులు; పెట్టంగన్ = దీయుట; ఏలన్ = దేనికి;
బాలకులారా = బాలలూ.
భావము:
బాలలూ! మీ అమాయకత్వం వదలండి. మన ఉపాధ్యాయులు
వారికి తెలిసిన చదువులే చెప్పగలరు; చెప్తున్నారు. అంతే కాని దివ్యమైన శ్రీహరి సాన్నిధ్యం పొందటానికి అవసరమైన
మార్గాలు చెప్పరు. మనం ఈ గుడ్డి చదువులు చదివి వారి వెంట అజ్ఞానం అనే చీకటిలో
పరుగెత్తటం దేనికి? చెప్పండి.
: :చదువుకుందాం భాగవతం; బాగుపడదాం మనం అందరం: :
No comments:
Post a Comment