Tuesday, July 14, 2015

సుయజ్ఞోపాఖ్యానము - ధనము

7-49-ఆటవెలది
నము వీథిఁ బడిన దైవవశంబున
నుండు; పోవు మూల నున్న నైన;
డవి రక్ష లేని బలుండు వర్ధిల్లు;
క్షితుండు మందిమునఁ జచ్చు.
          ధనం వీథిలో పడిపోయినా దైవయోగం బావుంటే సురక్షితంగానే ఉంటుంది. అదే గీత బాగుండకపోతే భవంతుల్లో ఎంత మూల మూలల్లో భద్రంగా దాచినా మటుమాయం అయిపోతుంది. అలాగే దుర్భలుడైనా భగవంతుని కృప ఉంటే ఆయురారోగ్యాలతో అభివృద్ధి చెందుతాడు. అది లేని వాడు పెద్ద సౌధంలో అనేక రక్షణలు, రక్షకభటులు ఎంత కాపలా ఉన్నా మరణిస్తాడు.
७-४९-आटवेलदि
धनमु वीथिँ बडिन दैववशंबुन
नुंडु; पॉवु मूल नुन्न नैन;
नडवि रक्ष लॅनि यबलुंडु वर्धिल्लु;
रक्षितुंडु मंदिरमुनँ जच्चु.
          ధనము = డబ్బులు; వీథిన్ = త్రోవలో; పడినన్ = పడిపోయినను; దైవవశంబునన్ = దేవుని ఆజ్ఞానుసారము; ఉండున్ = ఉండును; పోవున్ = మాయమైపోవును; మూలన్ = ఎంతమూలల్లోదాచబడి; ఉన్నన్ = ఉన్నది; ఐనన్ = అయినను; అడవిన్ = అడవిలోనైనను; రక్ష = దిక్కు; లేని = లేనట్టి; అబలుండు = బలహీనుడు; వర్ధిల్లు = అభివృద్ధిచెందును; రక్షితుండు = కాపాడబడుతున్నవాడు; మందిరమునన్ = ఇంటిలోనైనను; చచ్చున్ = మరణించును.
: :చదువుకుందాం భాగవతం; బాగుపడదాం మనం అందరం: :

No comments: