తెలుగు భాగవత తేనె సోనలు – 295

శ్రీపంబులు

1-446-క.

శ్రీపంబులు ఖండిత సం

తాపంబులు గల్మషాంధతమస మహోద్య

ద్దీపంబులు పాషండ దు

రాపంబులు విష్ణు వందనాలాపంబుల్.

           ఆ నందనందమని వందనాలాపాలు, శ్రీలను చెందించేవి, సంతాపాలను సమూలంగా తొలగించేవి, ఉద్దీపితమైన దివ్వెలై పాపాలనే కటిక చీకట్లను పోగొట్టేవి, పాషండులు పొందలేనివి.

భాగవత భక్తిప్రపత్తుల విశిష్ఠతను ఇలా తలచుకుంటు, శుకుడు పరీక్షిత్తునకు చెప్పిన భాగవతాన్ని వివరించమని శౌనకాదులు సూతుని వేడుకుంటున్నారు

1-446-ka.

SreepaMbulu khaMDita saM

taapaMbulu galmashaaMdhatamasa mahOdya

ddeepaMbulu paashaMDa du

raapaMbulu vishNu vaMdanaalaapaMbul.

          శ్రీ = సంపదలను; పంబులు = అతిశయింప చేయునది; ఖండిత = బద్దలు చేయబడిన; సంతాపంబులు = వ్యధలు కలవి; కల్మష = పాపము అను; అంధతమస = కటిక చీకటికి; మహా = గొప్ప; ఉద్యత్ = పెద్దవి / పైకెత్త బడిన; దీపంబులు = దీపములు; పాషండ = పాషండులకు; దురాపంబులు = పొందవీలుకానివి; విష్ణు = విష్ణుదేవుని; వందన = నమస్కారములు; ఆలాపంబుల్ = స్మరణములు.

http://www.telugubhagavatam.org/products.php?pg=2&cntstart=0&psid=666&catid=6&scatid=10

~~~|సర్వేజనాః సుఖినోభవంతు|~~~