ఏ కీడు నాచరింపము
1-479-క.
ఏ కీడు నాచరింపము
లోకులకున్ మనము సర్వలోక సములమున్
శోకింప నేల పుత్రక!
కా కోదర మేల వచ్చెఁ? గంఠంబునకున్.
1-479-ka.
ae
keeDu naachariMpamu
lOkulakun^
manamu sarvalOka samulamun^
SOkiMpa
naela putraka!
kaa kOdara
maela vachche@M? gaMThaMbunakun^.
నాయనా! మనం లోకంలో ఎవరికి
ఎలాంటి అపకారము చేసేవాళ్ళం కాదు కదా. మనం లోకంలో అందరిని సమానంగానే చూస్తాం కదా.
అయినా, నా మెడలోకి ఈ పాము ఎలా వచ్చింది? నువ్వు ఎందుకు
ఏడుస్తున్నావు? – అని తండ్రి యైన శమీక మహర్షి పరీక్షితుని శపించిన శృంగిని అడిగాడు.
ఏ కీడు నాచరింపము - ఏ = ఏ; కీడున్ = కీడు - అపకారమును; ఆచరింపము = కలుగజేయము; లోకులకున్
- లోకులు = జనులు; కున్ = కు; మనము - మనము = మనము; సర్వలోక
- సర్వ = సమస్త; లోక = లోకులను; సములమున్ = సమానముగా చూచు వారము; శోకింప
నేల - శోకింపన్ = ఏడ్చుట; ఏల = ఎందుకు; పుత్రక = కుమారా; కాకోదర
మేల - కాకోదరము = పాము; ఏల = ఎందుకు; వచ్చెఁ
గంఠంబునకున్ - వచ్చెన్ = వచ్చెను; కంఠంబు = మెడమీద; కున్ = కు.
|| ఓం నమో భగవతే వాసుదేవాయః ||
No comments:
Post a Comment