Friday, August 9, 2013

తెలుగు భాగవత తేనె సోనలు_20


8-75-క.
లోకంబులు లోకేశులు
లోస్థులుఁ దెగినఁ దుది నలోకం బగు పెం
జీటి కవ్వల నెవ్వం
డే కాకృతి వెలుఁగు నతని నే సేవింతున్.
          లోకాలు, లోకాలను పాలించేవారు, లోకాలలో ఉండేవారు అందరు నశించిన అనంతరం; ఆ కారు చీకట్లకు ఆవతల అఖండ మైన రూపంతో ప్రకాశించే ఆ దేవుణ్ణి నేను సేవిస్తాను. 
          గజేంద్రుడు కాపాడ మని మొరపెట్టుకొనే సందర్భలోది ఈ పద్యం. అద్భుత మైన పద్యాలలో ఒకటి ఇది.
         లోకంబులు - లోకంబులున్ = లోకములు; లోకేశులు - లోకేశులున్ = లోకాలను పాలించే వారు; లోకస్థులుఁ దెగినఁ దుది నలోకం బగు - లోకస్థులు = లోకములలో నుండు వారు; తెగిన = నశించిన తరువాత; తుదిన్ = కడపట; అలోకంబున్ = కనబడనిది, గుడ్డిది; అగు = అయిన; పెంజీకటి కవ్వల నెవ్వం డేకాకృతి - పెంజీకటి = గాఢాంధకారము; కిన్ = నకు; అవ్వలన్ = ఆవతల; ఎవ్వండు = ఎవడు; ఏక = అఖండమైన; ఆకృతిన్ = రూపముతో; వెలుఁగు నతని నే - వెలుగున్ = ప్రకాశించునో; అతనిన్ = అతనిని; న్ = నేను; సేవింతున్ = కొలచెదను.
తెలుగుభాగవతం.కం  http://www.telugubhagavatam.com/
|| ఓం నమో భగవతే వాసుదేవాయః ||

1 comment:

Ramanaiah Srikantam said...

అన్నీ ఉండగానే, నసించిన తరువాత కాదు