Saturday, May 11, 2013

mothers day శుభాకాంక్షలు.

       12-మే-2013mothers day అట. తల్లి ఎక్కడైనే ఏదేశమైన ఎప్పుడైనా ఎవరికైనా పూజనీయురాలే కదా. అందుకే ఈ పాశ్చాత్య సంప్రదాయం ఐన mothers day రోజున నా మాతృదేవతని ప్రత్యేకంగా తలచుకుంటు, మాతృమూర్తులు అందరికి ఇవే నా ప్రణామాలు, శుభాకాంక్షలు. ఈ సందర్భంగా మన బమ్మెర పోతనామాత్యుల వారు తన తల్లిని ఎలా పరిచయం చేసారో గుర్తు చేసుకుందాము. ఆ మహాతల్లి అనవసర విషయాలకి బయటకు వెళ్ళదుట. భర్త మాట జవదాటదుట. పరుల విషయం తలచుకోదుట. దానధర్మాలు వదలదుట. ఆమె పలుకు సున్నితమైనది, గంభీరమైనది, చక్కటిది అట. ఆమెకు సాటి రాగల మానినులు లేరట. అదే వారి పలుకలలో. . . . . .
1-25-క. నడవదు నిలయము వెలువడి
             తడవదు పరపురుషు గుణముఁ దన పతి నుడువుం
              గడవదు వితరణ కరుణలు
              విడువదు లక్కాంబ విబుధ విసరము వొగడన్.
1-26-ఉ. మానిను లీడు గారు బహుమాన నివారిత దీన మానస
           గ్లానికి, దాన ధర్మ మతి గౌరవ మంజు లతా గభీరతా
           స్థానికి, ముద్దుసానికి, సదాశివ పాద యుగార్చ నానుకం
           పానయ వాగ్భవానికిని, బమ్మెర కేసయ లక్కసానికిన్.


No comments: